Nei pynbor u Director thung kreh ka DESO ya u LDA: D. Rani

Shillong: U Disparsing Rani uwa man uwi na kiwa paan RTI da pynbaad u wa da em i thung kreh tooh ha ka yung krehkaam District School Education Officers, East Khasi Hills District, deiwa hukum yabor u Director ka chnat, u Ambrose Marak.

Hawa klam ynne ka sngi, u Rani da ong u wa katkam ka hukum wa da pynmih ha uni u snem da ong wa ya waroh ki kreh wa lait ha ki chnat sorkar toh u pyndap lyngba ki chnat wa da booh, kam ka Meghalaya Public Service Committee (MPSC) wa ka District Selection Committee (DSC).

Da pynbaad u wa uni u Director da pynbor u ya ka District School Education Officer, ka RM Pariat wow thung ya u Ricky Chyne kam u LDA ha kani ka yung krehkaam.

U Rani da ong u wa u Ricky ymtoh uwa da kreh chwa ha ka kreh sorkar ha kani ka yung krehkaam tangwa da pynpsiah yabor nei leh embor u Director.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u wa hei sakhiat lada em iwon iwon i kreh wa lait, toh u pyntip bait cha ka yung krehkaam u Deputy Commissioner lyngba ka District Selection Committee wow pyndap ya i kreh wa lait tangwa kamwa man ha kani ka kynti u Director da hukum hi-eh u ya ka sahep.

“Lada em ka ujor yeini i rukom thung kreh, iwa nyngkong dooh toh i wow ktah ya ka sahep wa rap hapoh kawa da leh nei chah pynbor,” da ong u Rani.