Jowai: Ka seiñ Nangbah Youth Awakening Movement (NYAM) da lehwarom ko yei dap dap snem yong ka deiwa pynlait ko ya ki symbe dakha haka Wah Myntang Thad Nangbah.
Ha kani ka lehwarom da sakhi lang da u waheh chnong ka Nangbah, u Tonroy Iongwai uwa man leh u chongknor ha ka yalang yong kani ka sngi, u Gen. Secretary ka chnong, u Starly One Thubru chirup wa ki dkhot yong ka chnong hi waroh kawi.
Ka seiñ NYAM hapoh i yahkhmat u Gresentus Susngi uwa man kam u President ka seiñ wa u Pynkhreh Susngi kam u Gen. Secretary wei ha kani ka sngi da yoh ya ki kyntien sneiñ kyntu ya kiwa chong chnong wow yakreh ki wa ka seiñ wei ymhoi u tynyap ki ya ki dakha wa ki dohum deiwa e bih namo da kiwi ki rukom tynyap iwa man pyrchah aiñ.
Ka seiñ da khut ko leh ya ki jan chnong jan thaw wow yakreh ki chirup deilang wow pyneh pynsah ya ki dohum dohwah dei wym hoi u pynjakhlia ya kani ka wah khnang wow man ko ka myntoi ya waroh.
Discussion about this post