Jowai: Ka YBSC kawa na Shella da jop ko yaka Umphrup SC ha ka sngi wa 4 yong ka Mawryngkneng Invitation Knockout Football Tournament. Ha kani ka sngi ka Umphrup SC da yoh ko wow pynkhih nyngkong ya ka jaar lyngba ka kool yong u Nickel Bina ha ka minit ba 24 yong ka kylla step, ka YBSC da yakhun eh ko wei haka minit wa 39 da yoh ko u su kylliang lyngba ka kool na u Jeffery Surong wei du hadien chi minit, ka YBSC da yoh ko wow pyntam lyngba u Boby Chyne.
Haka kylla miet won, ka YBSC da pynskem chooh chooh ko ya i jop deiwa yoh u thap sa ar kool lyngba u Brillion Chyne haka minit wa 76 wa na u Bryan Shadap haka minit wa 80.
Hawa kyruiñ won cha ka yalehke ka Mawryngkneng Super Cup, ka Mawmang SC da jop suk ko yaka Iewrim SC da 5-0 lyngba ki kool yong u Bansuk Mukhim haka minit wa 11, u M. Khyriem haka minit wa 25 (Own Goal), u Shemphang Mukhim haka minit wa 34, u Angisius Mukhim haka minit wa 59, wa ka kool wa khaddooh lyngba u Sanbhalang Mawthoh haka minit wa 61.
Ka yalehke haka 06-07-2019 ha ka Mawryngkneng Super Cup daw yakhun ka Mission SC pyrchah ya ka Nongrim SC ha i por 12:30 pyrdi sngi wei haka Mawryngkneng Invitation Knockout Football Tournament, ka Hamlen FC kawa na ri-loom Jaiñtia kawa man kawa jop ya kani ka lympung ha u snem wa da dep daw yachem ko waka Youngstar FC kawa na Shillong heipor 2:30 i sngi.
Discussion about this post