Jowai: Kamwa da leh lang ha waroh kawi ka ri, da lehkmen yaka National Statistic Day ha man ka 29 tarik u Naiynru (June), da sakhi ha Jowai leh neiliang ka yung krehkaam ka District Statistic West Jaiñtia Hills kawa kreh wow kheiñ wow lum ya ki yukheiñ kiwa boon jait, da chim ki wow lehkmen ya kani ka sngi ynnin ka 29 tarik ha yung krehkaam yong ki wa em ha Mynthong Jowai hajrong ka phang “Sustainable Development Goals”.
I kynmoo ya kani ka sngi kam ka National Statistic Day toh hajrong ka yurim wow pynsah naam ya u Prof. Prasanta Chandra Mahalanobis hajrong ki kaam yong oo wow lum wow pyllang ya ka yukheiñ yei yoh ka kot, i heh ki chnong ki thaw, i em ki luti syngkeiñ wa kiwi kiwi wei kani ka sngi leh man ko kam ka sngikha yong oo.
Haka lehkmen ya kani ka sngi da man ko leh kam chibynta wow pynsñiawthooh paidbah hajrong i emkaam ka Statistics næ i rukom chim yukheiñ ha waroh ki jait ki kaam wa man ka sngi yow sñiawthooh wa kammon yarap ko wow pynwandur næ saiñdur ya ka imlang sahlang.
Kiwa e yei klam ha kani ka sngi toh u Dr. Challangga D. Sangma u District Veterinary Officer, u H. Monin I/C District Statistic Officer Jowai, u B. Mawkhiew District Statistic Officer Khliehriat kiwa da pynsñiaw yei sñiawngooh ya u Prof. Prasanta Chandra Mahalanobis kamjooh ki kaam wa da leh u yaka imlang sahlang.
Yaka yalang ha kani ka sngi da pynlai da u S. Syiem Sub-Inspector Statistic Jowai, katwa ya ki kyntien e khublei da yoh na u K.S. Kharbuki Sub-Inspector Laskeiñ.
Discussion about this post