Shillong: U Montri ka sorkar Meghalaya uwa pait ya ka ka chnat Transport, u Sniawbhalang Dhar da ong u wa ka sorkar yooluti ko wow pyndep noh ya ka Inter State Bus Terminal (ISBT) wa da chna ha Mawlai Mawiong, ha u Kmaichonglad uni u snem.
Ynne ka sngi uni u montri da lai sylli u yei kreh ha kani ka thaw pynyieñ ya ki bus wa wan na kiwi ki jylla wow pynduna yei khynnia ki sarok ha sor Shillong.
Ya u Sniawbhalang da synraan da u MLA ka Mawlai, u Process T. Sawkmie wa u MDC, u u Teiborlang Pathaw, ryngkat ki sahep ka PWD (Building).
U Sniawbhalang da ong u wa ka sorkar kwah ko wa kani ka kaam u pyndep noh ya ka neibhah ki paidbah angnood ki ya kani ka thaw khnang wow pynduna ya i khynnia kari ha sor.
Da pyntip u leh wa i kreh daw chimpor i sa kajak neidaw wympu pynlait poisa ka sorkar pyrdi diwa pynrap leh wa u Contractor dang kreh u hadooh katni yeiwa da pyndep hadooh 80 percent kattu wei yooluti wow pyndep ya ka chwa ka Christmas yong uni u snem.
Ya kani ka kaam da mang poisa T.48 klur wei iwa sah toh kamwa T.17 klur neibynta wow pyndep yei kreh heiwa manda dep daw ye u pynpsiah 150 tylli ki bus ha ka bynta wa chatre wa 32 tylli ha kawi tawon ka bynta wei neibynta ki Maxi Cab namo ki kari kamai kiwa khian ka sorkar daw pyrkhat ko ya ki lada emkaam.
“Ha kani ka thaw daw em leh ka yung krehkaam wow pynlai ya kani ka thaw, kamjooh leh ki dukan dukdoh, ki paikhana wa kiwi kiwi,” da ong u Sniawbhalang.
Chooh chooh da ong u wa kani ka thaw ye ko wow e khih ya ki khynroo khyllood khamtam ki tre chnong.
Na kani ka thaw ka sorkar daw yoh yarap poisa ko na ka dan, wei ini daw yarap bha i ya ka yarong poisa ka sorkar.
Discussion about this post