Jowai: Ynne ka sngi ka yakhun Quarter Final yong ka 5th Invitation Knockout Football Tournament ha Wahiajer da pynman hapyrdi ka Ryntih SC wa ka Hynniewtrep FC.
Ha kani ka sngi ka Ryntih SC da jop ko da 1-0 wei ya kani ka kool da thap da u Sheen Sohtun ha ka minit wa 36.
ADVERTISEMENT
Da ini i jop ka Ryntih SC da yoh ko u psiah cha ka Semi Final ha kani ka lympung.
Ya i naam Man of the Match da yoh da u Ronnie Nongbri wei ya kani ka khusnaam da e da u K Kharbithai uwa man u waheh yong ka chnong Larnai.
Ka yakhun wa bood u man ko ha ka 6 Naiynñiaw hapyrdi ka Lumbahdakha pyrchah ya ka Combine FC heipor 2:00 waje i sngi.
Discussion about this post