Ki rukom pynlai pynyeiñ kari ha ki sngi Behdieñkhlam ha Jowai

Jowai: U Superintendent of Police ka West Jaiñtia Hills u Lakador Syiem da pynbna u wa khnang wow pynman yaka leh niam Behdeiñkhlam Festival 2019 kawa lai bait ka wow sdang nadooh 11 tarik hadooh 14 tarik uni u bnai da pynbna ya ki yaka rukom pynlai kari hapoh ka District.

Ki rukom pynlai wa i rukom pynyeiñ kari ha kini ki sngi man ki kamni ha wah:

Ym chah wow pynyeiñ kari ha Loomsooiung, New Hill, Stand Shillong ha i thaw wow booh ya u Symbood Khnong.
Ki Truck kiwa wan na Shillong wa na East Jaiñtia Hills ym chah ya ki wow psiah ki cha Jowai nadooh 9 waje i step hadooh 5 waje i janmiet ha waroh kini ki sngi.
Daw em ka No Entry cha Iawmusiang nadooh 4 waje i janmiet chaneiñ ha ka 11 tarik.
Daw em ka No Entry cha Iawmusiang nadooh 12:00 waje pyrdi sngi ha ka 12 tarik.
Ym chah ya kiwon kiwon ki kari wow psiah cha Iawmusiang nadooh 9:00 waje i step hadooh 5:00 waje i janmiet ha ka 13 tarik.
Ym chah ya kiwon kiwon ki kari wow pynyeiñ ha Stand Ummulong wa ha Stand Nongbah.
Ki kari khian wa wan na Shillong u chah ya ki wow pynyeiñ harood sarok Shillong-Jowai nadooh Challam Syngkon Petrol Pump.
Ki kari kiwa khian wa wan na Khliehriat-Shangpung daw chah wow pynyeiñ kari ha Ladthalaboh Stadium, Jowai.
Ki kari khian wa wan na Dawki daw chah ya ki wow pynyeiñ harood u sarok Jowai-Dawki. Ym chah wow pynyeiñ kari ha rood sarok nadooh DC Point hadooh District Library.
Ha ka 13 tarik ya chah ya ki kari wow pynyeiñ ki ha Stand War. Ym chah leh ya ki kari wa wan na Iawmusiang wow lai cha Iongpiah, Mission Compound, Panaliar, Dulong, Tpep-pale wa Mynthong nadooh 9:00 waje i step hadooh 5:00 waje i janmiet.
Ha ka 14 tarik daw em ka No Entry ha Dulong Junction, Mission Compound, Lumkyrwiang, chadooh Iongpiah wei na Khimusniang Junction chadooh Umshyngiar nadooh 12:00 waje pyrdi sngi hadooh 5:00 waje i janmiet.
Ha ka 14 tarik ki kari VIP wa kiwa kari wa em Car Pass u chah wow psiah cha Chilliang Raij lyngba Mission Compound, Lumkyrwiang. Wei ki kari wa em Car Pass ye ki u psiah chadooh cha Umshyngiar wei ki kari kiwa ym em Car Pass hap ki wow pynyeiñ tymbud u sarok ka Lower Chutwakhu.
Ha ka 14 tarik heipor wa ka Datlawakor, ym chah ya ki kari wow psiah cha Mynthong na DC Point/Chutwakhu-Jrisalein wa Jowai Amlarem Road nadooh 3:00 waje i janmiet.