Jowai: Ka Khasi Students’ Union War Jaintia Circle daw pynman ko ya ka saam khusnaam “Maitshaphrang Academic Award 2019” ya kiwa puræ SSLC wa HSSLC Examination 2019 kiwa da leh bha wei daw pynman ya ka ha ka 24-08-19 ha Amlarem, neibynta i kreh chitom yong kiwa da leh bha kiwa da wanrah yei jop ya ka yung ka sem, ka thaaiñ War Jaiñtia waroh kawi.
I thmu yong ka seiñ wow saam ya ka khusnaam toh wow e mynsien wei wow kyntu ya kiwa dang puræ wa na ka thaaiñ wow lai ki chakhmat ha ka puræ puthi ka yong ki wei kam wow pynchlur ya ki wow poi cha ka thong kiwa chakhmat ha ki kyrdan wa puræ ki.
Ka seiñ u chim ko du ya kitu kiwa yoh 80% chaneiñ wa ya kitu kiwa mih pyrtuid ha ka Merit List ka SSLC wa HSSLC, kamtæ da kyrpaad ya kiwa poi cha kani ka kyndon wow pynpoi ya ki Marksheet (Xerox copy) ha namo chwa ka 02-08-19 wei ye leh u Phone leh ha kini ki number 9366652830, 8787459390, 8787529534 yow yoh yaka yutip wa rap bniah.
Ini toh katkam wa pyntip da u Education Secretary u Shining Khongiong.
Discussion about this post