Jowai: Katkam wa pyntip ki pulit, haka 14 tarik uni u bnai, u Jesper Jessterfield Lyngdoh da ujor u wa heipor 4 waje i step, oo deilang wa ki lok u da yoh kem ki ya ar ngut kiwa tip kam u Gobind Singh wa u Barius Lawai heipor wa dang looid ki ya ki tiar ki tar ka thuk thuk u wa pynyeiñ u ha Demthring, Shillong, deiwa thmu wow tooh.
Haka jooh ka sngi heipor 10 waje i miet da em wa tooh ya kawi ka Dumper Truck wa em ya u number ML-04C-0268 ka yong u Marjan Phawa na Jowai, West Jaiñtia Hills.
Haka 13 tarik won da em wa tooh yaka thuk thuk wa em ya u number ML-08C-8746 ka yong u Arhistom M Sangma kawa booh u ha pchem yung u ha chnong Bangsidua, West Garo Hills.
Haka 10 tarik, u Dipark Mondal da ujor u wa heipor 10:30 i step, ka kari yong oo wa em ya u number ML-05K-3298 kawa booh u ha Raja Bungalow, Shella East Khasi Hills da em wa tooh ka.
Haka miet ka 17 tarik da em wa tooh ya ka thuk thuk u Manish Das kawa em ya i number AS-01BT-0595 na thaw wa booh u ha pchem yung u ha Lower Lachumiere, Shillong.
Ha iwi tawon i jia, u Bunlang Phalyng da ujor u wa haka 18 tarik heipor 2 waje i step, u Da-O-Hi Kharlukhi wa u Poibiang Kharlukhi da tooh masi ki na trep masi u wa em ha Untisong, Nartiang, West Jaintia Hills District.
Discussion about this post