Jowai: Neiliang uwa yahkhmat ka liang pyrchah ka Meghalaya Legislative Assembly u Dr. Mukul Sangma da pynsñiaw u yei sñiawsih yei khlaad syndet u Speaker ka Assembly wa em burom ka jylla u Dr. Donkupar Roy ynne i janmiet.
U Mukul da ong u wa da dooh i ya uwa yahkhmat wa kyrpang uwa em i mynsien sñiawkhian, uwa yeiñ haka yurim wow chakri ya ka jylla wa ya ki paidbah wei da ieh u ya i thylli hapoh ka jylla kamjooh haka saiñ hima sima.
“Deiwa khlaad u nga da dooh O ya u lok wa yajan bha O kamjooh uwa yahkhmat uwa smat u yarap ha kiwon kiwon ki por wa chem chitom ka jylla.” Da ong u Mukul.
Neiliang yong oo deilang wa kiwa ha yung ha sem u deilang wa ki lok ki jor da phah ki ya ka khubor sñiawlem cha kiwa ha yung ha sem yong oo kiwa da hap wow maad ya ini wa sñiawsih wei wow yoh bor ki ha kam kini ki por.
Discussion about this post