Ieh beiñ ka JHADC ya i jhep ha Iawthymme hadooh wa da smat tung ka chnong ka thaw: JSM

Jowai: Hadien wa yoh ujor naki paidbah wa chong yaw ha Iawthymme, Ladthadlaboh kamjooh kiwa chong wa sah chajan kani ka yaw wa joor i smatung neidaw wa i jhep kani ka yaw ym em de wankit ya ki da ka JHADC, neiliang ki dkhot ka JSM-Western Region wa yahkhmat da u Chancellor Talang deilang wa ki dkhot ka seiñ da lai ki cha kani ka yaw yow chem yei sakhiat.

Hadien wa yachem wa kiwa chong yaw da chem wa da ieh ya ini i jhep du neidaw wa sih ka kari ka District Council wei ym em de phah da kiwi ki kari wow khat ya ini i jhep. Da pyntip cha ka seiñ wa kiwa chong yaw da dep ujor ki cha ka Council.

Kamtæ ka seiñ da e por ko 3 sngi yaka JHADC wow kit ko ya itai ki jhep khnang wow lait nei sma nei tung, wei da e buit leh wow chim wai da ka kari Municipal næ kiwi ki kari yow kit ya i tai i jhep wa em ha Iawthymme, Ladthadboh, Jowai wei lym leh kamtæ neiliang ka seiñ daw leh ko yei wa emkaam ong u C. Talang, General Secretary Western Region.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024