Shillong: U montri rangbah ka jylla, u Conrad K Sangma ynne da wai pyrda u ya ka Meghalaya Baby League 2019 ha ka yalang wa pynman ha State Convention Centre hei emlang u montri ka Sports, u Banteidor Lyngdoh, ka Deputy Commissioner, East Khasi Hills, ka M War Nongbri wa u President, Meghalaya Football Association, u Larsing M Sawyan.
Hawa e khublei ya ka Meghalaya Football Association wa da ye ko u pynman ya ka 2nd Meghalaya Baby League, u Conrad da ong u wa man i iwa emkaam wow pynpsiah ha ki khynnah ya ka sap yalehke Football hei rta wa dang khian khnang wow man ki kiwa pnah hadien manda heh ki wei kani ka lympung toh kawi na kitæ ki laad.
Da ong u leh wa kani ka lympung daw yarap ko ya ki khynnah ym du ha ka Footall tangwa wot kiwi tawon ki kaam leh kamjooh deiwa kyntu leh ya ki manbei manpa wow man ki kiwa kyrchaan ya ki khon yong ki.
Ynne da pynlait leh ya ka Baby League Trophy wa ka Website yong ka Meghalaya Football Association.
Discussion about this post