Shillong: U Montri Rangbah ka jylla uwa ksoh leh ya ka chnat muna poisa, u Conrad K Sangma da ong u wa i wym yoh poisa ka jylla na ka sorkar pyrdi toh neidaw wa ka sorkar ympu mynjur ko ya ka mang poisa, wei i daw toh wa ha uni u snem da em ka Election Lok Sabha.
U Conrad da ong u wa ym em kamwa da sñiaw kiwa boon, neibhah ka jylla biang ko ya ka poisa tangwa ympu yoh ya ki Scheme wa toh u yoh na ka sorkar pyrdi. Da ong u wa ka jylla ye ko wow pynmih poisa du kamwa 15-18 Percent katwa 80-85 Percent toh lyngba ka sorkar pyrdi wei lada mynjur ko ya ka mang poisa ye leh wow ktah yei rukom krehkaam ki Scheme ka sorkar pyrdi.
Hajrong i wymye u pynlait ya kiwa boon tylli ki Bill, neiliang u Conrad da ong u wa em ki kynti wa ka sorkar pynlait ko wei em wa haap wow sangeh chwa neibhah wa em boon ki Bill wa sah la kamwa san snem kattu wei ka sorkar ympu ye ko wow pynlait lut ya ki waroh wa dang sahteiñ.
U Conrad da ong u wa ym em iwon iwon i wow khuslai neibhah kam ini jia i ha ki por wa dadep leh, tangwa ka sorkar da mang chwa ko neibynta iwa emkaam wa kongsan tam khamtam ka tulop cha ki wakreh.
Discussion about this post