Jowai: Ka seiñ Hynniewtrep Achik National Movement (HANM) East Jaiñtia Hills District da sñiaw ko wa ka sorkar toh u batai che ko ya kam kiwon ki mar pohkhyndaw wa toh u thaw khia ha ka Weighbridge wa em ha 7 Mer, Pasyih khnang wa ki paidbah u che ki yow lait u mih iwon iwon i kulmar yumut kiwa yah truk wei sa kawi leh manda dep thaw heitai ha 7 Mer dang emkaam næ ym emkaam wow thaw biang ha ki Weighbridge wa em ha ka chnong Umling, Ri-Bhoi District.
Ka seiñ da ong ko wa ka sorkar emkaam ko wow batai che khnang wa ki paidbah u sñiawthooh wow bood ryntih ya katai ka hukum wei lymkamtæ daw mih i wym sñiawthooh hapydri kiwa yah truck wa kiwa pynlai yaka Weighbridge wei ka sorkar ym toh de u pynmih hukum ko khlem da batai che neibhah wa boon palat ki Weighbridge la kam ki dukan dai kwai dong harood sarok tæ kamtæ kiwa yah truck ym tip de ki heiwon wow thaw wei heiwon wa ym toh u thaw.
Chooh chooh neiliang ka seiñ HANM da ong ko wow pyntikna ya katai ka hukum yong ka sorkar lyngba u Commissioner & Secretary ka chnat Mining and Geology toh u batai che bha ka rukom mih ka rukom lai ki kari neibhah u moochuni boon bha u haki thaaiñ Narpuh wei lada ki kari wan ki na Lumshnong dang emkaam næ ym em wow thaw ha ka Weighbridge wa em ha Umtyra wei kani man ko kawi na ki daw bah ka wow ktah ya kiwa yah truck, kamtæ ka seiñ ka dawa ko naka sorkar wow batai bniah bha khnang wow suk ki paidbah chong chnong waroh kawi wei khamtam ya kiwa yah kari.
Kani toh katkam ka khubor na u Ency Shadap, President ka seiñ.
Also Read: Pynbna ka sorkar yaka Weighbridge wa em ha 7th Mile ka wow thaw khia ya ki mar pohkhyndaw
Discussion about this post