Jowai: Ka Thma U Rangli Juki (TUR) da pynsñiaw ko yei pyrchah yaka hukum namo ka Presidential Order yei rukom pynkrehkaam yaka Article 370 yow krehkaam lut ka riti synchaar ka ri (Indian Constitution) hapoh ka jylla Jammu & Kashmir wei wow pyndam noh yaka Article 35 A kawa e ya ka Jammu and Kashmir i hok wa kyrpang nadooh wow chim ya ka rai kiwon ki tre jylla, u man kam ki tre thaw, i hok wow yoh kreh sorkar, Scholarship wa kiwi kiwi, wei i tympiah yaka Jammu & Kashmir yow man noh kam ka Union Territory man ko ki dak ki chin i thong leh embor ka Hindutva.
Ka TUR da ong ko leh wa ini i phiah yaka J&K man ko kam i wow tyngkheiñ yaka synchaar paidbah kamwa man katni. Wei ini i sooh buit wow knieh bor yaka riti synchaar ka ri wa yahkhmat da u Shah wa u Modi da leh hei doom deiwa kset ya kiwa mihkhkmat paidbah ka jait bru Kashimiri deiwa yahbakla leh ya ka ri waroh kawi, daw ktah ko leh ym du yaka Jammu & Kashmir kamjooh ya ka ri waroh kawi khamtam ya ki jylla North East.
Chooh chooh da ong wa ka ri India da mih ko deiwa em ka ya sñiawthooh yumut wa kiwa boon ki jaitbru deiwa booh ya ka 5th wa 6th Schedule, kawa e bor yaka jylla kam ha Meghalaya wow chna yaka aiñ Land Transfer Act yow yada yei mantre ki tre jylla yei thaw i bhaw yow lait u chah knieh ha ki baar jylla, i e bor yei synchaar chnong wa kiwi kiwi de iwa yada ya ki tre chnong na kiwa heh paaid. I pyndam ya ka Article 370 pynyoo ko leh wa yaka 5th wa 6th Schedule leh ye u pyndooh, kamwa pyrchang wow pynkrehkaam yaka Citizenship Amendment Bill handala waroh kawi ka thaaiñ mihsngi pyrchah ko ya ka.
Kamtæ ka TUR, da khut ko ya ki seiñ wa ki paidbah hapoh ka Meghalaya wow pyrchah ya ini i chah ktah ka riti synchaar paidbah, wei ka TUR yeiñ lang ko wa ki paidbah ka Kashmir kiwa da yakhih da slem wow yoh yei laitlooid wa i hok wow synchaar pyn da ki ya ki hi kiwa sa chisien da chah chet kylla ki.
Da pynkut deiwa ong wa kam ki jait bru ri-loom toh u ya tylli ya ini thmu wow pynyaar yaka i thong ka Hindutva Indian State.
Discussion about this post