Jowai: Ka lympung yalehke Badminton watip kam ka 10th District Open Badminton Championship wa pynlai daka West Jaiñtia District Badminton Association da sdang ko ha kani ka 5 tarik u Naisaphra ha Indoor hall ka Dulong.
Ya kani ka yalehke da wan wai da u Adviser ka seiñ u K. Tariang, hei emlang ki dkhot ka Association, wei u kut ko haka 9 tarik u Naisaphra heiwa waroh ki yalehke da em ki 75 tylli.
Ha kani ka sngi sdang yaka yakhun yong ka kyrdan Open Men Doubles da jop u R.L. Bimee Suwer wa u Wanmi Challlam ya u Diphrang Marbaniang wa u Abiding Khonglah da 21-11, 21-09.
Haka 50+ Men Doubles da jop u S. Najiar wa u A. Niangti ya u P. Chyrmang wa u D. Kyndiah da 21-11, 21-10.
Haka Open Men Single da jop u Regroreo Passah ya u Wanjur Niang da 21-08, 21-17.
Haka Under 15 Boys Double da jop u Damang-i-oo Bareh wa u Darapshngaiñ Shallam ya u Samehi Shylla wa u Kyntu Bhah Bamon da 21-17, 21-18.
Haka 50+ Single jop u Ambrose Gatphoh ya u Riki Shallam da 21-12, 21-18.
Haka Open Men Single jop u Ritre-oo-dame Nongpluh ya u Monmi Shullai da 21-10, 25-23, u Wompher Laloo won da jop u ya u Rapki Chyrmang da 21-14, 21-17.
Discussion about this post