Jowai : Katkam ka khubor wa da yoh na ki pulit da ong wada yoh ki yaka ujor na uwi u bru iwa da tip kam u ma Silbinus Sukhlain.
Ha kani ka ujor u ma Sukhlain da ong u wa haka 24 Naitung uwi u bru yow wa da tip kam u Chan Pakem da chim u yaka tractor u ma Sukhlain wa em ML-04B-1902 na chnong Iongkwang West Jaiñtia Hills khlem yohbor na oo.
Hadien da chem wa kani ka tractor da haap ko cha riat hajan ka yingkieñ Myntang heiwa da yap ar ngut kiwa kreh wei da mynsoo kiwi tawan.
Heiyatoh weini ki bor pulit dang pynman ki yei takit.
Discussion about this post