Jowai : Ynnin ka 2 tarik heipor kamwa 3 waje i sngi kiwa lai wa wan kamjooh kiwa chong dai hajan ka JHADC da sakhi ki yeiwa jia wa ong ki wa arngut ki khynnah khynroo da lute ki ya uwi u bru wa pait wa yoo ya ka park wa jooh tip kam ka Park Kasari kawa katni da tip kam wa park Thang Sati ka Kur Dkhar.
Katkam i khana kiwa kreh wa uni u bru ong ki wa em arngut ki bru wa chim yabor ya ka mobile phone wa ka poisa uni uwa pait ya kani ka park.
Kiwa sakhi wa chong dai cha rood sarok ong ki wa uni u bru da mih u wei da kdong u ki kini ki arngut wei da chem u ya ki ha khmat ka gate wa psiah cha madan Iawmusiang wei heini da yaleh u chim biang ya ka phone wa ka poisa u hadooh wa da jiæt ka sula-miaj (T-shirt) u.
Kiwa kreh heini ka thaw ong ki wa man ka sngi em kiwa dih drugs wa wan dung thyrnia ki hapoh kani ka park kamjooh kiwa dih bhang wan ki wei boon ki por mih i yachoh hapoh kani ka park.
Kiwa kreh toh kiwa sah hapoh kani ka park kamtæ ong ki ym nood ki u ujor cha ki pulit neidaw wa tieñ ki ya kini ki damok.
Discussion about this post