Pynman ka JSNNH Presbytery yei pynsñiawthooh wa ma i dih pynmuaid wa i ktah ka Social Media

Jowai: Ka Socio Economic Life Development Committee ka Jingiaseng Samla Nangbah Nongjngi Hadem Presbytery da pynman ko ya ka yalang pynsñiawthooh paidbah namo ka Awareness Programme haka 10 uni u bnai ha Balang Presbyterian Nartiang hajrong ar tylli ki phang kitæ i) I myllien wa sih ha i dih pynmuaid ii) I ktah (Negative) ka Social Media.

Ya ka yalang da pynlai da u Rev. K. Laloo uwa man u President katai ka seiñ wei u Dawan Lyngdoh, MDC ka Mynsngat Khanduli (JHADC) da man u kam u kongsan ha katai ka sngi. Ki bru chemphang namo ki Resource Person haka bynta wa nyngkong toh u Lakador Syiem, Suprintendent of Police, West Jaintia Hills uwa da klam hajrong ka phang, “I myllien wa sih na i muaid” wei haka bynta wa ar won da klam u Rev. W. Shylla, MTh. (Christian Education) hajrong ka phang “I ktah (Negative) ka Social Media”.

U Lakador Syiem hei klam yong oo kam u bru chemphang da e ya ka sikai lyngba ka Paper Presentation kawa da thoh che bha ya i sih iwa mih lyngba i muaid haka kiad, drugs wa kiwi kiwi ki jait dih wa pynmuaid. Da khana u leh yei rukom chna kiad wa kiwi ki jait dih pynmuaid wei da kiwon ki jait tiar wa da pynemkaam. Hadien won da batai u wa kammon ktah ko ya i doh i pran kam ya u Dohnood (Liver), u Dohlah (Pancreases), u Ksang (Gall Bladder), i dap lær (Gastrointestinal Disorder), Cardiovascular System Disorders, Psychiatric Disorder, Musculoskeletal Disturbances, Autonomic Nervous system, Chronic Neuropsychiatric Disorder.

Haka bynta wa ar namo ka Second Session, u Rev. Wanbok Shylla hajrong ka phang, “I ktah (negative) ka Social Media,” da e u yaki sikai deiwa ong wa i ku smat yong ki kor ki bor (Technology) da man ko leh ka daw kawa da pynman yei mih wei heh ki Social Media. Da batai u leh kayi ka ka Social Media, kiyi ki jait Social Media kiwa yoo i katni, kammon ka Social Media krehkaam ko, iyi i em yatoh ka Social Media wa ki khynroo khyllood.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka Awareness Programme waroh kiwa ya chimbynta dapoi ki kamwa 120 ngut chynrang wa kynthai kam kiwa mihkhmat naki balang wa ki chnong waphær wapher yong ka thaaiñ Nangbah Nongjngi Hadem Presbytery, kiwa da chimbynta leh haka Plenary Session dei kular leh wa wow im bait ki katkam i mon u Blai.