Beiñ ka MPUF ya ki 4 ngut ki damok wa tynyap ya u Sonarious Chyrmang

Khliehriat: Ka Meghalaya People’s United Front-East Jaiñtia Hills District (MPUF-EJHD) ryngkat wa ka MPUF-Khliehriat Circle hapoh i yahkhmat u President yong ka, u Michal Chyrmang wa u Kyrshan Blah ka seiñ da beiñ ko ya ki damok wa tynyap ya u (L) Sonarious Chyrmang uwa na ka chnong Mynthlu, East Jaiñtia, Elaka Sumer.

Ka seiñ mar yoh ujor ko na kiwa hayung yong u Sonarious uwa dang hapoh 20 snem i rta ka seiñ da yarap ko wow thoh da ka FIR pyrchah ya ki soo ngut kiwa kynthup ya u Memon Latam, Hemon Latam, Shaniah Latam wa u Lambas Lamurong kiawa na ka chnong Mynthlu.

Da ong wa ha ka 4 tarik uni u bnai kini ki soon gut da dat ki ya u Sonarious hadooh wa da mynsoo joor u wei ha ka 10 tarik ki bor pynlai ka NEIGRIHMS da pyntip ki wa u Sonarious da khlaad noh u.

Ka seiñ da kam ko wa kini ki soo ngut da phla ki wa da leh ki yeini i kaam hakhmat ka Dorbar Chnong Mynthlu wa emkti ki wow pynmynsoo wei wow tynyap ya u Sonarious wei yeini i phla yong ki da sakhi leh da u waheh chnong u Preting Paslein, ryngkat i emlang u Secretary ka chnong u Arless Lyngdoh, ryngkat i emlang u Secretary VDP chnong u Hammoibor langwar, u President ka VDP chnong u Kansha Salahe wa ki dkhot ka chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da phylla ko wa hanlada kini ki soo ngut da phla ki tangwa neiliang ka chnong ym em u pyntip ki cha ki bor ka aiñ.

Chooh chooh ka seiñ da kular ko wow booddien ya kani ka kaam hadooh wa yoh u Sonarious yei bichaar wa hok.