Kam ka HNLC wa pynyieñ lama ko ha JH, kyntait ki bor pulit

Jowai: Katkam ki dur wa da saam lyngba ki Scial Media, da pynyoo ya uwi ubru uwa da tymmoh khmat uwa kdoh ya ka lama ka HNLC.

U Sainkupar Nongtraw ha ka Facebook Account yong oo da booh u ya kini ki dur deiwa ong wa da pynyieñ ka seiñ ya ka lama yong ka ha ki ar tylli ki thaw ha Ri-loom Jaiñtia, kawi ha madan Jrisaleiñ, Jowai katwa kawi won ha Khliehriat.

Hajrong ini, hawa yaklam wa u SP ka West Jaiñtia Hills, u Lakador Syiem da kyntait u wa em kam itæ i pynyieñ lama neibhah wa ym chem ki ya kam katæ ka lama ha kani ka madan.

Da ong u leh wa neidaw wa yeini i dur da chon hei miet ymye u pynsakhiat wa man i ha Madan Jrisaleiñ, Chutwakhu, ye u man wa da chon yeini i dur cha Bangladesh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da pyntip u wa nadooh ynne ka sngi da pynjoor ya i sonteri ki pulit ha waroh kawi ka District wei da booh leh ya ki pulit ha ki thaw wa ye u mih i awri awra yow lait u em kiwon kiwon wa chim kabu ya ini i kaam.

Heiyatoh wa ini i jooh, dang yang yei pynche na u SP ka East Jaiñtia Hills, u Vivekanand Singh.