Dang pynchna ka sorkar jylla yaka Policy wow kit kamjooh wow dai lilam ya u mooyong

Shillong: Ki 3 ngut ki dkhot ka Committee wa thung da ka National Green Tribunal (NGT), wa khlieh da u Judge wa da chong ngiah u Justice BP Kakoti ynne ka sngi da pyntip u wa ka sorkar jylla dang pynchna ko ya ka Policy wow dai lilam ya u mooyong ka jylla katkam wa da phah ka Supreme Court.

Haka yaklam wa kiwa thoh khubor hadien ka yalang ka Committee ynne ka sngi, u Justice BP Kakoti da ong u wa ka yalang da yaklam ko wa kammon u booh ya ki kyndon wow kit ya u mooyong kamjooh wow dai lilam ya u mooyong.

Da pyntip u leh wa ka sorkar jylla dang em ko hapyrdi wow wanrah yaka Policy kawa da paan yumut na kiwa boon ki chnat sorkar wei daw wanrah yaka hakhmat ka Cabinet yow yoh yei mynjur wei hadien ini ka Joint Committee wa emlang ka NGT Committee, Coal India waka Union Government daw chong bichaar ki ya kani ka Policy.

U Kakoti da pyntip u leh wa ka Coal India kwah ko wow pynman daka e-Auction ya u mooyong ha Meghalaya wei ya ini daw chong yaklam haka yalang wa daw pynman ha Guwahati haka 07-09-19.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Committee da yaklam ko leh ya u mooyong wa pynemkaam ki Cement Plant hapoh ka jylla wa kiyi lait na u mooyong ye ki u pynemkaam. Da pyntip leh ka Committee daw sylli ko ya ki kot ki sla nadooh ki Environment Clearance wa e da ka Ministry of Environment and Forest wei daw pyntip cha ka National Green Tribunal chwa ka 31 tarik uni u bnai.

Chooh chooh da pyntip wa ya ka Map ki krem mooyong wa em ha Jaintia Hills kawa leh da ka North Eastern Space Application Centre da chem wa em 24392 tylli ki krem mooyong.

Ya i kit ya u mooyong daw pait da ka Supreme Court ka wow pait leh ya i dai lilam daka Coal India wei daw pynbiang leh ya ki Weighbridge neibynta ini waroh.

Heiyatoh waka rukom tih mooyong wa tip kam ka Scientific High Wall Mining, u Kakoti da pyntip u wa da em chisien ki bru wa phah da ka sorkar da lai ki cha ka ri USA ha u snem 2004 yow pait lada ye u pynemkaam ya kam kani ka jooh ka rukom tih mooyong hapoh ka jylla tangwa ka sorkar ym chim ko yaka rai heiyatoh waka Report wa e kiwa lai cha USA.

Da ong u leh wa ki tre paar mooyong dei bor samen u leh yaka Scientific Mining u man ko kawa eh kawa syad lada ym ya pyllang lang ki wa kiwi yow sdang lang yaka Scientific Mining