Shillong: U montri rangbah ka jylla, u Conrad K Sangma, ynne da wai u ya ka New Extension School Building yong ka Synod Higher Secondary School kawa da chna lyngba ka Supporting Human Capital Development in Meghalaya dei kyrchaan poisa ka Asian Development Bank (ADB) hei emlang u MLA ka North Shillong, u A. Nongrum wa ka MLA warim ka North Shillong, ka Roshan Warjri.
U Conrad hawa e yei klam ha kani ka sngi da sñiawkmen u wa da ye wow pynmih ya kini ki kamra thymme ha ka skur ka wow myntoi ki khynnah wei kawa da chna hei lut wa kamwa T. 3.69 klur kamjooh leh wow chna ya ka Computer Laboratory, ki chuki ki miej, wa kiwi kiwi.
Da ong u wa em 62 tylli ki skur kiwa dadep chna katwa i kreh dang lai bait i ha ki 55 tylli ki skur, soo tylli ki DIET wa Teachers’ Training Institutes, ki 10 tylli ki Science Laboratory wa 10 tylli ki Computer Laboratory, wa kiwi kiwi ya kiwa da leh hapoh yong ka Human Capital Development Programme.
Da ong u leh wa ka sorkar yaleh ko wow pynkreh ya kiwa boon ki kaam ki wow kyntu kynrong ya ka rukom im ki paidbah. Ha ki snem wow wan hadooh soo namo san lak ngut kiwa daw man ki kiwa da biang i rta wow khih wow kreh katwa kamtæ emkaam wow esikai ya ki wow yoh kreh ki katwa kamtæ emkaam bha ya waroh u yakrehlang ki.
Ha kani ka sngi da wai leh ya ka Website yong ka skur.
Discussion about this post