Jowai : Hadien wada thut u Tranformer haka thaw sumaar ha Laskieñ CHC ka yungkrehkaam ka MePDCL ymem chimkhia ki wow wanrah biang yei wan ka bordiñ ha kani ka CHC hajrong wada pyntip ki bor ka thaw sumar dei langær.
Neiliang ka Khasi Students Union Laskieñ Circle hapoh i yahkhmat u J. Paul Lyngdoh Education Secretary yong kani ka seiñ ryngkat ki dkhot da yachem ki wa u ma M. Kurbah Chief Executive Officer ka MePDCL wow yaklam heiyatoh weini.
Neiliang ka seiñ da ong ko wa “Kiwa chong chnong yong kani ka thaaiñ ka Laskeiñ da yoh ki chiboon i yarap nakani ka thaw sumaar neidaw wym duk de ki u lai cha ki thaw wa jngai khamtam kiwa naka Block 1”.
“Tangwa lada ym em ka light ym ye ko u leh iwon iwon iwa emkaam katwa boon ki tiar pynemkaam ki da ka light iwa ktah i krehkaam ki nurse wa ki Doctor wa kiwi kiwi” da pynrap ka KSU.
Neiliang ka seiñ da pyntip ko leh wa neiliang u CEO ka MePDCL da kular u wow chimkhia yeini yow pynbiang yaki Tranforme r neibynta ki tiar light kiwa emkaam hapoh kani ka thaw sumaar.
Discussion about this post