Mynsoo palat 100 ngut ha ka lehniam pakhot moo ha Uttarakhand

Pithoragarh: Kiwa ngait ya ka niam Hindu da mih paidbah ki ha ka mandir Devidhura wa em ha Champawat District yong ka jylla Uttarakhand ynnin ka sngi wow pyndep ya ka lehniam Bagwal, ka lehniam toh ka wow pynmih snaam wow engooh ya ka Blai Barah Devi wei ya kani ka lehniam da pynman man la u snem ha ka sngi Raksha Bandhan.

Ki paidbah kani ka chnong ngait ki wa kani ka blaai kmen ko du hadien wa wada pynmih snaam iwa ya ryngkat wa i kñia bru wei da wan sakhi ya ka da ki hajar ngut.

Ynnin kani ka lehniam kawa dei pakhot moo uwi ya uwi da neh ko kamwa 10 minit wei da mynsoo palat 100 ngut kiwa chimbynta.

Katkam ka khubor wa pynmih ka NDTV, u heh niam (pandit) da ong u wa nachwa da jooh kñia da ki bru man la u snem wow pynhun ya ka Blai. Ka parom da ong wa nachwa kawi ka tymmen toh u e kñia ko da u ksu samen yong ka wei da ngooh ko ya ka Blai wow pynlait oo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ini i e ngooh kani ka tymmen ka Blai da pdiang ko ki deiwa kyntu ya kiwa ngait wow chimbynta noh ki ha ka Bagwal deiwa pakhot moo uwi ya uwi khnang wow mynsoo wei wow joo i snaam ha khyndaw i wow ye u kheiñ wow man kam i kñia bru, da ong uni u pandit.

Katkam i ngait ki paidbah ka chnong soo ngut ki heh chipai (Feudal Lord) wa kynthup ya u Chamyal, Gaharwal, Olgiya wa Lamgaria da phiah ya ki cha ki ar dhab wei kiwa em hapoh kini ki dhab u pakhot mooo ki uwi ya uwi.

Kani ka lehniam da pynkut ya ka da ka hukum na u pandit wa khlieh dooh.

Hanlada ka yung bichaar da khang ko wow pynemkaam da ki moo tangwa kiwa chimbyntaa da rah murieh ki ya ki mo cha kani ka thaw.

Source NDTV