Ym em mylliñ ka sorkar ya ki wakreh Muster Roll, hap yaichah wa duna poisa ka sorkar: Coming

Jowai: Ka seiñ All Jaiñtia Muster Roll Workers & Labour Union ynne ka sngi da pynman ko yaka yalang kutsnem wa soo yong ka ha Yungwalieh ka Dorbar Chnong Panaliar, Jowai, heiwa da wan emlang u Montri ka sorkar jylla u Comingone Ymbon kam u kongsan, u Deputy Commisioner ka West Jaiñtia Hills District u Garod LNS Dykes kam u symbood kongsan nalor kiwi won wa chah khut sñiawbha.

U Comingone Ymbon hawa e yei klam da pynkynmoo u yaki por wa ki wakreh Muster Roll da mih ki wow dawa yei hok, wei da ong u, “I sñiawthooh i yei eh i khoo yong phi wei neiliang ka sorkar hapoh i yahkhmat u Conrad K Sangma leh da em chwa i pyrkhat hajrong ka yurim wa kammon u thooh ki laad ki luti neibhah phi yoh phi i su wa khian”. 

Chooh chooh ong u hapoh i yahkhmat u Conrad, chiboon da pyrkhat neibynta i bha i miat u paidbah ka jylla, “Ye phi wow ong wa ym em yoh tulop phi, tangwa i su neibynta yong phi da ku kamwa 40%, nalor wa wot hapoh ka Cabinet leh da yaklam yaka Arrear yong phi yow su nadooh u Naichiphaw (October) 2018,” ong u Comingone Ymbon. 

Kamtæ kyntu u ya ki paidbah wow man ki kiwa yaichah wei yakrehlang waka sorkar, neibhah ka sorkar jylla toh kawa duna bha i yoh poisa, wei neibor yong ka hi leh duna bha i pynmih ki lada wyrchaw wa kiwi won ki jylla, wei ya waroh iwa emkaam i da chaniah haka sorkar bei. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heijooh i por kular u wow emlang chirup waki heiwon iwon i bynta.

Hadien wa kut ka yalang, haka kynta ya chong pyrkhat kaam won ka seiñ da chim ko yaka rai wow dawa naka sorkar jylla yow pynkrehkaam salonsar yaka Meghalaya Regular Casual Workers Scheme 1996 ha waroh ki chnat krehkaam ka sorkar jylla ha ri-loom Jaiñtia. Wow pan pynche heiyatoh waki snem wa kam ki wakreh Muster Roll toh u chong ngiah ki nei kreh kamwa da jooh pynmih hukum neipor cheipor da ka sorkar jylla. 

Kiwi de ki rai wa da chim ynne ka sngi ha ka dorbar ka All Jaiñtia Muster Roll Workers & Labour Union, HQ man ki kamni ha wah:

1. U paan na ka sorkar jylla yow pynkrehkaam deiwa toh hok wa salonsar ya ka Meghalaya Regular Casual Workers scheme 1996 ha waroh ki chnat krehkam ka sorkar jylla ha ri-loom Jaiñtia.
2. U paan pynche naka sorkar jylla heiyatoh wa u snem u chongngiah ki wakreh Muster Roll kamwa da pynmih hukum na ki por cha ki por da ka sorkar jylla. Katkam wa man kattae, 58 snem namo 60 snem næ 65 snem?
3. U pynkrehkaam deiwa toh hok iwa u man salonsar heiyatoh wa u pynku kyrdan ya iwa u yoh nongsngi ki wakreh Muster Roll, ya kiwa da kreh duna san snem cha ka Semi Skilled na ka Unskilled.
4. Kiwa duna chiphaw snem i krehkaam cha ka RCW ka Skilled Workers, wa kitu kiwa da kreh chiphaw snem kam ki RCW cha ka Highly Skilled.
5. Da pdiang ya ka Muster Roll Workers and Labour Consumer & Thrift Co-operative Society Ltd.
6. U kyrpaad ya ka Labour Department u pynthymme ya ka Minimum Daily Wage kamwa da toh u leh ha man ka 6 bnai.
7. Ki sngi chuti kiwa toh u e ka sorkar jylla kam ki chuti yoh khon, ki chuti ha wa kjut ter ter.