Jowai : Hadien wada sangeh i kreh haka yingkieñ Kureliya hajrong ka wah Myntang neiliang ki bor District da kular ki wow sdang biang i chna ya kani ka yingkieñ ha ka 26-27 tarik uni u bnai wada dep.
Hadien wada e khubor u Wyrta wa i kreh ha kani ka yingkieñ da man i iwa dang sahteiñ neiliang u DC ka West Jaiñtia Hills da ong u wa da chimkhia u wow sdang biang i kreh ha kani ka yingkieñ nadooh ka 6 tarik uni u bnai.
Ynne da yoh u sakhi yaki pulit naka 11 IRBN da poi ki ha kani ka thaw wow e i yada cha kiwa kreh mylla ha kani ka yingkieñ yow myntoi kiwa im cha chiliang ka wah Myntang kam ha Psiar, Khatkasla, Moolabær wa kiwi kiwi.
Ynne ka sngi da wan hiar ki heh ka district kamjooh leh ki bor pulit kiwa kynthup ya u ma S. Syrti, Addnl. SP u BDO ka Lakeiñ Block u ma L.T. Taraing wa u In-Charge ka Raliang Police Outpost.
Hei yaklam u Wyrta wa u DC ka West Jaiñtia Hills u Arunkumar Kembhavi da kular u wa i kreh ha kani ka yingkieñ u sdang biang i nadooh mynstep chirup wei synran ki bor pulit ya kiwa kreh.
Neiliang u Wyrta daw e khubor biang u heiyatoh weini i kreh nadooh mynstep heiwa da yooluti ki bor ka jylla wym em de wow pynthut yei kreh haka.
Discussion about this post