Delhi: U chipai Commando ka Pakistan uwa emkti wow kem ya u Wing Commander Abhinandan Varthaman yong ka Indian Air Force (IAF) hadien wa haap ka jet MIG21 u ha Pakistan ha u Thohlakhmi uni u snem, da yap u hadien wa joor i yasiat hapyrdi ki chipai kini ki ar ri ha Line of Control.
Ka Pakistan da ong ko wa uni u Commando uwa tip pyrtuid kam u Ahmed Khan, toh uwa ksoh yei kyrdan Subedar hapoh ka Special Service Group, da chah siat u ha ki chipai India ha ki thaaiñ Nakyal yong u LoC ha ka 17 tarik uni u bnai.
Ki chipai ka India da ong ki wa u Ahmed Khan jooh emkti bha u wow yarap ya ki bru kieñ suloi wow psiah ki cha India ha ki thaaiñ Nowshera, Sundarbani wa Pallan Wala.
Ha ka 17 tarik ki chipai India da jubab ko deiwa khor hadien wa sdang siat ki chipai ka Pakistan da ki suloi wa ki bom ha ki thaaiñ Krishna Ghati ha Poonch. Ka Pakistan da sdang siat ko wow wailaad ya ki bru kieñ suloi wow psiah ki chapoh India wei u Khan da yap u hadien wa siat kylla ki chipai ka India cha chiliang u pood.
Discussion about this post