Jowai: Ynne ka sngi da pynlait paidbah ya ki Ticket Lucky Draw yong ka Lumpyrtuh Secondary School Mihmyntdu, da u Pyndap Muksor kam u kongsan ha yung krehkaam kani ka skur.
Ha kani ka sngi da emlang u Abul Phawa uwa man kam u Acting Waheh Chnong, kiwa kitkaam ka chnong Mihmyntdu wa kiwa sikai ka skur.
U kongsan hei klam da e u ya i kyntien kyrkhu kyrdoh ya kiwa pynlai skur, ki dkhot ka SMC kiwa kreh chitom miet wa sngi hei wow pynku yei stat i tip hapoh ka chnong khamtam neibynta ki khynnah ki wym yoh laad u lai cha kiwi tawon ki skur wa syad.
Da e u leh ya i kyrkhu kyrdoh ya kiwa kitkaam ka School Fete Committee wow ye ki u kreh chitom man la ki Fete wei wow man ka Fete yong uni u snem kawa jop.
Da yoh leh ya ki kyntien na u Acting Waheh Chnong u Abul Phawa.
Ya ka yalang ynne ka sngi da pynlai da u Lamshwa Chyrmang uwa man kam u Chairman ka SMC.
Discussion about this post