Jowai: Ka Society for Environment Protection and Sustainable Development (SEPSD) ka Society wa pait ya i chah ktah ka rymaw, ha ka 26 tarik uni u bnai da lai e dorkhat ko ha u Deputy Commissioner ka West Jaiñtia Hills hadien wa yoo ko wa dang pteiñ i pynemkaam yaki Plastic kawa pynsihdur yaka soodong sookun hapoh ka West Jaiñtia Hills wa haka jylla hi waroh kawi.
Haka kyrwoh khubor wa phah da u President ka Society u Wanbun Dkhar da pynsñiaw u yei sñiawngooh ya kiwi kiwi ki District hapoh ka jylla kiwa da lai chakhmat khang wow pynemkaam yaki Plastic haki yaw ki haat wa ki dukan wei ki Plastic leh man ki kiwa ym pyut wei pyntngit ko leh yaka rymaw wei chooh chooh da ong u leh wa neiliang ka sorkar jylla leh da pynbna ko wow pynemkaam noh da ki Organic Bag ki muna wa thap tiar kiwa ye u leh u pyut hadien wa dep pynemkaam yaki kam chibynta wow pynman yaka jylla kawa khooid kawa lait na i tngit.
I kitkhlieh wow yada wow pynbha yaka rymaw man ko leh ka hok yong uwon uwon uwa chong chnong yong ka ri India hi waroh kawi katkam ka Article 21, 48-A wa 51-A(G) yong ka Constitution wei neiliang ka Society da dawa ko naka bor District wow bood yaka nongmuna kiwi ki District kiwa da lai chakhmat wow khang noh ya i pyndemkaam yaki Plastic wow pynemkaam noh daki Organic Bag.
Discussion about this post