Kular u montri ka sorkar pyrdi wow kyrchaan ya ki kreh hapoh jylla

Shillong: U montri khynnah ka sorkar pyrdi wa pait ya ka chnat Housing and Urban Affairs, u Hardeep Singh Puri ynne da chong yalang u wa ki sahep ka chnat State Urban Affairs Department hei emlang u montri rangbah ka jylla, u Conrad K. Sangma wa u montri ka Urban Affairs, u Hamletson Dohling ha Yojna Bhawan, Shillong.

U Puri da yaklam u chaphang ki Project wow pynkreh ha ka jylla wei da booddien u leh ya ki kreh wa da e yarap poisa da ka Ministry of Urban Affairs Government of India hapoh jylla Meghalaya.

Uni u montri khynnah ka sorkar pyrdi da kular u yei kyrchaan na ka sorkar pyrdi wei da kyntu u ya ka sorkar wow kreh chirup wow pyndep ya ki project kiwa da pynkreh hapoh jylla kiwa da yarap poisa da ka Ministry.