Shillong: Ka Rashtriya Poshan Maah 2019 ynne da sdang ya ka da u montri ka chnat Social Welfare, u Kyrmen Shylla, ha U Soso Tham Auditorium, Shillong hei emlang u T. Dkhar, Commissioner and Secretary, Social Welfare, u E. Kharmalki, Director, Social Welfare, ka M. War Nongbri, Deputy Commissioner, East Khasi Hills, ki heh yong ki chnat waphær waphær kiwa sikai wa ki khynnah skur.
Ya kani ka yalang wow sdang ya kani programme da pynman da ka chnat Social Welfare chirup wa ki bor ka district East Khasi Hills District wei ka thong krehkaam kani ka programme neibynta chibynta toh “Every household a celebration of nutrition and behavioural change” namo waroh ki manyung emkaam u ki ya ki baam wa tei neibynta i kylla.
U Kyrmen hawa e yei klam da ong u wa ka Poshan Abhiyaan toh kawa da sdang da u montri rangbahdooh ka ri ha u Wisu 2018 wow pynku yei myntoi wa mih nei baam ya ki jait baam wa miat wa bha khamtam ya ki khynnah, ki khynnah kynthai wa khai khyllood, kiwa pun-khon wa kiwa e yimbu khon, wei da pynrap u leh wa da pynemkaam ya ki stat wa katni wow wanrah ya i doh i pran wa chait wa khiah.
Hawa pynksan yei emkaam wow e yimbu-khon hapoh 6 bnai ya ki khonboo ye i wow wanrah yei bor pyrkhat wa i doh i pran wa chait wa khiah ya ki khynnah deiwa pynrap wa daw yarap i chiboon neibynta ki khynnah liang wanang.
Da pyntip u leh wa ka programme Poshan Abhiyaan toh ka wow krehlang waroh ki chnat sorkar khnang wow pynpoi ya kani ka kaam cha ka imlang sahlang.
Ha kani ka sngi da pynlait leh ya ki kot lakdop wa yatoh wa ka Rashtriya Poshan Maah neibynta uni u bnai.
Da yoh leh yei klam na u Dr. L. M. Pdah, Director of Health Services, MCH & FW uwa da klam hajrong i myntoi ha ki 1,000 sngi hapyrdi ki kynthai wa pun-khon wa i dap 2 snem i khon katwa u Gary Nengnong, State Consultant Poshan Abhiyaan da e u ka Presentation hajrong ka Poshan Maah.
Discussion about this post