Jowai: Ka WJDSA ynne ka sngi da sdang ko yaka yalehke Super Division kawa tip leh kam ka Kiang Nangbah Memorial Trophy kawa wan wai da u Finelynes Bareh, MDC ka JHADC uwa manleh leh kam u Executive Member wa pait yaka Planning.
Haka yalehke nyngkong ka Super Division da pynman hapyrdi ka 7 Wasa waka Moosalyngkat heiwa ka 7 Wasa da jop ko da 4-1.
Yaka Moosalyngkat da thap kool da u Dawanmonmi Mynsong haka minit wa 11.
Yaka 7 Wasa da thap kool da u Pynishai Lathong haka minit wa 40, 45+1, 63 wa 74.
Kiwi de ki dhab wa em haka Super Division ha uni u snem toh ka Sabahmuswang, Shangpung Lumiawmushai, Khimusniang, Nangbah Mulang, Chutwakhu waka Mynthong.
Ynne ka sngi da pteiñ leh ya ki yalehke 2nd Division kawa tip leh kam ka 3rd Debo Shullai Memorial Trophy hapyrdi ka Caroline waka Khliehmynkrem heiwa ka Caroline da jop ko da 3-1.
Yaka Khliehmynkrem da thap kool da u Basuk Khonglah haka minit wa 21.
Yaka Caroline da thap kool da u Sebastian Dhar haka minit wa 40, u Donald Litting haka minit wa 53 wa u Iolang Lathong haka minit wa 79.
Discussion about this post