Kyntait u Lahkmen wow pyntip lada u pdiang næ ym pdiang u yaka chuki Lamphang

Shillong: U MLA ka UDP uwa man leh u montri ha ka sorkar jylla, u Lahkmen Rymbui da kyntait u wow khana lada daw pdiang næ ym pdiang u lada ka Party phah ko ya i pyrtuid u neibynta wow chimkti ya ka chuki Lamphang ha ka yung dorbar ka jylla.

Kam wow pyntip wa u Rymbui hadooh katni man u uwi na kiwa mih pyrtuid bha ha ka UDP wow phah neibynta katai ka chuki, hadien wa khlaad noh u Lamphang uwa man leh u President Rangbah ka UDP, u Dr. Donkupar Roy.

“Manda poi i tyrwa daw yaklam i ya ini, tangwa hadooh katni ka yaklam haka Party dang lai ko, ini i kaam nga ym toh u klam chwa da nga wei lada em wa tyrwa daw ya pait i,” da ong u hawa jubab, la u pdiang næ ym pdiang lada ka Party u phah ko ya oo neibynta ka chuki Lamphang.

U Rymbui da ong chooh chooh u, “Nga ym ye oo u jubab ya iyi wa kiwi wown ki lok ki sñiawthooh ki.”