Jowai: Ka HYC War Jaiñtia Circle ynne ka sngi hapoh i yahkhmat u Vice President u J. Khongiong da lai yachem ki wa ka chnat pulit ka Dawki Police Station wa Amlarem Police Station hajrong ka phang wow sonteri wei wym toh u e laad yaki bru kiwa chah kyntait naka NRC ha Assam wow wan buhai chnong ki cha War Jaiñtia.
Kamtæ neiliang kini artylli ki Police Station da pynsñiaw ki wa da sonteri bha ki deilang wa i ya krehlang wa ka seiñ.
Chooh chooh u President da ong u, “Kam uwa yahkhmat ka Circle nga kyntu joor O yaki paradoh parasnam ha waroh ka War Jaiñtia wa ki toh u yieñ tyllilang halor kani ka kaam khamtam kitu ki chnong kiwa jaan wa ki khappood kam ka Karkhana, Sankhat, Muktapur hadooh Dawki”.
Kamjooh leh u Vice President da pynsñiaw u yei kyrpaad joor ya waroh ki chnong ki thaw wow ya ksohkti lang ki wa ki pulit deiwa ya krehlang waka seiñ, khnang wow wanrah yaka bha ka miat haka imlang sahlang.
Ini toh katkam wa pyntip u Publicity Secretary ka seiñ u R.Mukhim.
Discussion about this post