Jop ka Lion haka 2nd Div waka Nangbah Mulang haka Super Div ka WJDSA

Jowai: Haka yalehke 2^nd Division ka WJDSA kawa tip leh kam ka 3rd Debo Shullai Memorial Trophy, ynne ka sngi da pynman daka yalehke hapyrdi ka Lion waka Khliehiongriang.

Ha kani ka yalehke, ka Lion da jop ko yaka Khliehiongriang da 1-0 lyngba ka kool wa thap u Cleofast Bamon haka minit wa 31.

Haka Super Division won kawa tip leh kam ka U Kiang Nangbah Memorial Trophy da pynman yaka yalehke hapyrdi ka Nangbah Mulang waka Khimusniang heiwa ka Nangbah Mulang da jop ko da 3-0.

Ya ki kool da thap da u Mewanshan Susngi haka minit wa 27 wa 39 wa u Pormi Lamare haka minit wa 66.