Jowai: Ka JYF-East Jaiñtia Hills District da thoh ko cha u Deputy Commissioner ka EJH ynnin ka 6 Tarik wow dawa booh smat ya ka Entry & Exit Point ha Ratacherra khnang wow ye u pait ya i wan i psiah ki baar jylla chapoh ka District.
Ka seiñ da ong ko wa ya kani ka Entry & Exit Point da toh u pynkrehkaam noh chi syndon nadooh wa mynjur wow booh yaka ha Ratacherra tangwa ym tip na kiyi ki daw wa dang sahteiñ hadooh katni. Chooh chooh ka seiñ da ong ko wa ha kini ki sngi da yoo yei boon i pyrchang ki baar jylla wow wan ki chapoh ka District nadooh wa pynmih ka Assam ya ki pyrtuid wa khaddooh hapoh ka NRC.
Ha iwi tawon i liang da dawa na u DC wow thung ya ki BDO wa pura hapoh ka Khliehriat C&RD wa ha Saipung C&RD Block.
Ka seiñ da ong ko wa deiwa em ki BDO wa pura daw pynsmat ko wow pynkrehkaam ya ki kaam pynroi iwa da tkoh bha katni neidaw wa ym yoh ya ki BDO wa pura.
Discussion about this post