Jowai : Ka yakhun wa ar yong ka 5th Tiger Five Football Tournament da yaleh ka Super Galaxy pyrchah ya ka K.C. Combine ha madan Chilliangraij, Jowai. Ha ka yalehke ynne ka sngi, ka kylla step man ko kawa yathaiñ bha heiwa waroh da yoh laad ki u thap kool tangwa boon tne ki ha u dieñ kool. Wei da kut ka kylla step khlem em wa yoh u thap kool.
Haka kylla miet yong ka yalehke ka Super Galaxy da yoh chwa ko u pynkhih ya ka jaar lyngba u Wankiroy Syrpuh Jersey No. 9 ha ka minit kawa 36. Ka K.C. Combine dei yaleh chitom kiwa yalehke yong ka da yoh ko wow su ya ka kool lyngba u Manly Dkhar, Jersey No. 11, ha ka minute kawa 48, kamtæ ka yalehke da man mar chi kool hadooh wa kut i por wada booh.
Katkam ki kyndon yong kani ka yalehke Tiger Five (Rules 10), kiwon kiwon ka yaleh wa kut hi ya drawn hadooh wa kut i por, ki hap ki u yakhun syndon da ka Tie-breaker.
Ha kani ka yachut Penalty ka Super Galaxy da yoh ko u thap waroh soo tylli ki kool na ki soo ngut ki player. Katwa ka K.C Combine da yoh ko u thap du 2 kol donhi. Kamtea ka Super Galaxy da man ko kawa jop ha ka yaleke yong ynne ka sngi.
Mynstep ka yalehke toh ka Da O Bhoi S.C pyrchah ya ka We United S.C hei por 3:30pm.
Discussion about this post