Hapoh 18-19 bnai u ekti ka Russia ya ki S-400 System cha ka India

U Deputy Prime Minister ka Russia, u Yuri Borisov ynnin da nong u wa ki S-400 Air Defence Missile Systems daw ekti noh ya ki cha ka India deiwa bood thij ya ka soskular wa da soi hapyrdi kini ki ar ri.

Da ong u wa ka poisa wa da su chwa (Advance Payment) da yoh ka Russia wei daw ekti noh ya kini ki S-400 hapoh 18-19 bnai heipor wa klam u wa ka Channel: Rossiya-1.

Ha uni u bnai wa dadep u montri ka ri wa pait ya ka External Affairs, u S. Jaishankar uwa em ha Moscow wow yachem ya u montri ka jooh ka chnat yong ka Russia, u Sergey Lavrov da yaklam yillu ki heiyatoh wow pynkhlan yei yalok kini ki ar ri.

Ka India da soi ko wow thied ya ki S-400 hei dor wa $5.43 Billion wa ka Russia neibynta san tylli ki S-400 System heipor wa man ka 19th India-Russia Annual Bilateral Summit ha nongbah New Delhi ha ka 5 Naichiphaw yong u snem wa dadep.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katkam wa man katni ki ri wa pynemkaam ya ki S-400 kynthup ki ya ka Russia, China, Belarus wa ka Turkey wei ki ri wa da soi wow thied ya ki kynthup ki ya ka India wa ka Saudi Arabia.

Ki S-400 ye ki wow thooh (Detect) wei wow siat ya iwon iwon iwa hær wa kynthup nadooh ki lieñsuiñ, ki Cruise Missile, Ballistic Missile, Drones, Unmanned Aerial Vehicles (UAVs) wa kiwi kiwi kiwa hær nadooh 40 Km hadooh 380 Km cha suiñ.

With Inputs from : Indian Defence News