Chah daiñ kuna ka Big Bazaar T. 11,500 neidaw wa kheiñdor ya ki muna song tiar

Ka yung bichaar Chandigarh State Consumer Disputes Redressal (SCDRC) Forum da daiñ kuna ko ya ka Big Bazaar hadien wa kani ka dukan kheiñdor ko na ki paidbah ya ki muna song tiar (carry bags) deiwa ong wa ini man i duna i e chakri namo ‘Deficiency in services’ wei da daiñ kuna ko ya ka T. 11,518.

U Saurav Kumar, na Panchkula, uwa thied tiar na kani ka dukan da ujor u ha ka Consumer Redressal Forum hadien wa phah kani ka dukan wow su u T. 18 ka bai muna ha ka 21 Thohlakhmi wei da pyrchah u yeini tangwa da pynbor bait ko ya oo wow thied u ya ka.

Hadien ini u Saurav da rai u wow ujor ha ka Forum wei neiliang ka Forum da e rai ko wow pynchitom ya kani ka dukan.

Neiliang ka SCDRC da pynmih hukum ko deiwa ong wa ka Big Bazaar em ko chiboon ki dukan ha kylleiñ ka India wei boon bha kamai ko man ka sngi wei pynbor ya ki paidbah wow thied ya ka muna wa pynmih ko ym man i i khalær tangwa i duna hei chakri.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka kuna wa da daiñ ya kani ka dukan kynthup i ya ka poisa wow pynuiñ (Refund) cha u Saurav heiwa T. 10,000 u man ko kam ka Legal Aid Fund, T. 500 kam ka Compensation ya oo wa pynbor wow thied u ya kani ka muna katwa T. 500 u man ko ka bai lutsan neibynta kiwi.