Shillong: Ka Tura Centre ka Meghalaya Baby League 2019 da pynman ko ya ki yalehke wa nyngkong yong ka ynnin ka sngi deiwa emlang ki khynnah wa kiwa hayung hasem yong ki.
Ki dhab kani ka Centre toh ka Bosco Hornbills, Chipakkore FC Dolphins, Sherwood School Tigers, Modynagar SCC Wolves, BBFS-WI Dragons waka Ka’grak Dobasipara Leopards. Ya ki yalehke da pynman ha madan ka Don Bosco Higher Secondary School.
Ka Tura kattu da man ko ka thaw wa soo wa da pynman yaka MBL 2019 hdien wa da sdang ha Smit, Mawphlang wa Shillong.
“Nga e khublei O ya ki khynnah, ki bei ki pa, ki beipun papun wa da mihlang ki ynne ka sngi. Nga kam uwa da man papun, sñiawkmen O wow yoo yei wan chimbynta ki khynnah neibhah ka yurim emkaam u booh nadooh wa dang lada haka puræ puthi lane haka Sport yow chem ya kiwa em sap nadooh dang khian ki,” da ong u MLA warim wei uwa man kam u Co-Chairman ka Meghalaya State Planning Board u Billykid A Sangma.
U Jasper P Marak, Sports and Youth Affairs Assistant Director da ong u wa kani ka sngi toh ka wow sahkynmoo yanom hapoh ri-loom Garo.
Neiliang ka Meghalaya Football Association, u Vice-President u Gino A Sangma da e khublei u yaka Don Bosco HSS wa e ki yaka madan yow pynman yaka Baby League. Wei da pynchlur u ya waroh kiwa chimbynta wow sai lut ki katwa em ki yow chah jied yow poi cha ka yakhun ka kyrdan State Level neibhah kiwa jop daw yow ki u chimbynta haka League ha Shillong manda kut u snem.
Discussion about this post