Jowai: U President ka Hill Farmers Union (HFU) Central Body u Commander Shangpliang, neibynta ka Union da pynsñiaw u yei sñiawngooh yaka sorkar jylla wa hapoh i yahkhmat u Conrad Sangma kam u Chief Minister wa u Banteidor Lyngdoh, Agriculture Minister da mynjur ki yaka Meghalaya Farmers (Empowerment) Commission Bill, 2019.
Neiliang ka Union da dep dawa ko naka sorkar wow chna yaka Farmers Commission hapoh ka jylla hadien wa pynman yaka 1st Meghalaya Farmers Parliament ynnin u snem ha u Kmaichonglad (Dec). Ka Union da wanrah ko ya ki 10 tylli ki phang dawa wei kawi toh u wow chna yaka Farmer Commission, yow pynbna ya u snem 2019 kam u snem ki warep, u wanrah yaka Agriculture Policy wa kiwi kiwi.
Ka Union da kyntu ko leh ya u Chief Minister wa u Minister of Agriculture wow chimkhia ya waroh 10 tylli ki dawa kawi hadien kawi. Kamjooh wow booh yaka kaam rep ha khlieh dooh neidaw kiwa boon hi ki bru hapoh ka jylla toh kiwa chaniah ha i rep, wei ka sorkar ym ye ko wow ong waka jylla man ko kawa da roi da paar lada ym em chimkhia ya ki warep.
U President ka HFU da pyntip u leh wa ha uni u snem daw pynman yaka 2nd
Meghalaya Farmers Parliament ha Tura, West Garo Hills. Wei daw e dorkhat leh cha ka sorkar heiyatoh wa emkaam ki warep ka ri-loom Garo.
Discussion about this post