• About Us
  • Contact Us
  • Privacy Policy
  • Advertise With Us
  • Terms & Conditions
Sunday, August 17, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home Politics

Hanlada pep u Conrad, phooh i lehkmen dap 25 snem ka Psiar UPS

Wyrta Staff by Wyrta Staff
September 17, 2019
Reading Time: 6 mins read
A A
0
Share on FacebookShare on Twitter
ADVERTISEMENT

Jowai: Ki paidbah ka thaaiñ Block 1 da dap ki dei mynsien wa sñiawsih neibhah waroh thrang wei angnood ki wow pdiang ya u montri rangbah ka jylla, u Conrad Sangma wow wan u kam u kongsan ha ka lehkmen i dap 25 snem ka skur Psiar Upper Primary School, Psiar, West Jaiñtia Hills kamjooh leh wow wai ya u mooyurim yong ka Psiar Secondary School, tangwa na ki daw wymye u kiar u Conrad da haap pyndam noh u wow wan cha kani ka thaaiñ ynnin i janmiet.

Kamtæ kani ka lehkmen da man ko kawa lai bait heiwa da wan salan da u montri ka chnat Fisheries uwa man leh u MLA warim ka thaaiñ, u Comingone Ymbon kam u kongsan hei emlang u MLA ka thaaiñ, u Nujorki Sungoh; u MLA ka Jowai, u Wailadmiki Shylla; u CEM ka JHADC u Thombor Shiwat; ki MDC ki sahep sorkar wa kiwi kiwi.

Ha kani ka sngi da pynman ya ka yalang kawa da pynlai da u BDO ka Laskein C&RD Block, u FB Basan.   

Kiwa da klam ha kani ka yalang kynthup ki ya u Dolloi ka Elaka Raliang, u Chawas Lyngdoh; ka Phidalia Toi kawa man kawi na ki manbei wei ka dkhot yong ka JAC-JH kawa da sdang ya kani ka skur 25 snem nachwa. Ka Phidalia da khana ko leh ya ki parom heipor wa da sdang ya kani ka skur.

Neiliang u Wailadmiki Shylla da kyntu u ya kiwa pynlai ya ka skur wow kreh chitom ki wow pynmiat pynbha ya ka skur khnang wow ku i naam wei pyrtuid yong ka wei kamjooh leh da kyntu u ya ki khynnah wow minot ki wow ye ki u poi cha ka thong yong i jop.

Related posts

Lada ym biang u Captain wa yah jhaad daw pynngam u ka, ong u Charles Pyngrope ya ka Congress

August 16, 2025

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

U MLA ka thaaiñ, u Nujorki Sungoh da ong u wa ka sorkar da yaleh ko wow wanrah yei chongsuk wa pura ha kani ka thaaiñ, wei ka kaam wa yatoh wa u pood da slem wa angnood wow pyndep noh ya ka. Da pyntip u leh wa daw chna noh sa ya kawi ka Secondary School ha Psiar hapoh yong ka Rashtriya Madhyamik Shiksha Abhiyan (RMSA) wei yooluti wow sdang noh ko ha u snem wow wan.

Heiyatoh wa i chait i khiah u Nujorki da pyntip u wa da kyntu u ya ka sorkar wow pynku kyrdan ya ka Psiar Sub Centre cha ka Health and Wellness Centre.

Kam u kongsan ha kani ka sngi u Comingone Ymbon da e yaroh u ya ka JAC-JH kawa da emkti wow sdang ya kani ka skur, heijooh i por da yaroh u leh ya kiwa pynlai ya kani ka skur kiwa da ye wow wanrah ya ka Secondary Level.

Neiliang kiwa pynlai ya ka skur da ekti ki leh ya ka dorkhat cha u montri rangbah lyngba u Comingone heiyatoh wa i emkaam ka skur nadooh ka yung skur, kiwa sikai, wa kiwi kiwi. Neiliang ka Synjuk Waheh Chnong Ri Jaiñtia, Laskein Block Unit leh da e dorkhat ko heiyatoh wa u sarok nadooh na Raliang-Sahsniang-Corilia lyngba na Psiar, Mowjem, Jrikyndeng, Langka chadooh Kohima.

Ya kani ka lehkmen da pynphooh da ki rwai, ki chaad na ki khynnah ka skur kamjooh leh na ka Seiñraij Psiar.  

ShareTweetSendShare
Previous Post

Ki bank leh toh u man ki kiwa khang ha ka 18 tarik: DC, WJH

Next Post

E khublei ki khynnah skur ka Jowai ya ka ISRO heiyatoh wa u Chandrayaan-2

Related Posts

Politics

Lada ym biang u Captain wa yah jhaad daw pynngam u ka, ong u Charles Pyngrope ya ka Congress

August 16, 2025
Politics

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025
Politics

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025
Politics

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025
Next Post

E khublei ki khynnah skur ka Jowai ya ka ISRO heiyatoh wa u Chandrayaan-2

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar