Shillong: Ka satri yong ki seiñbhalang ka jylla wa tip kam ka Confederation of Meghalaya Social Organization (CoMSO) daw pynman ko da ka Stay Off the Road Peaceful Protest namo wow dam u mih cha sarok nadooh 8:00 i miet yong ka 20 tarik hadooh 6:00 i step ka 21 tarik uni u bnai.
I thmu yong ini iwa daw leh ka CoMSO toh wow man kam ka dak wow pyrchah ya i wym mano ka sorkar jylla wow pynkrehkaam ya ka ILP ha ka jylla Meghalaya wot hadien wa da yang i maa neidaw yong NRC ka jylla Assam wa ka Citizenship Amendment Bill (CAB) ka sorkar pyrdi yong ka BJP.
Neiliang ka CoMSO da kyrpaad ko ya ki dkhot ka jaitbru Khasi, Pnar wa Garo wow dam u lai ha sarok (lait na ki kari kit wakjut, ki kari wa wan yaseiñ wa ki kari kiwa ymye u kiar) ha ki kynta wa da booh wow man ko kawa jop
Ka CoMSO da ong ko leh wa lada ki paidbah kyrchaan ki ya ka ILP yooluti ko wow krehkaam lang ki ha kini ki kynta wow pyntikna wa krehkaam noh ka ILP hapoh ka jylla.
Discussion about this post