Pynskem ka HFU ya 8 tylli ki Unit wa ya ka Block Mawsynram, dawa wow pynbna ya u 2020 kam u snem ki warep

Jowai: U President yong ka seiñ ki warep kawa tip kam ka Hill Farmers Union (HFU), Central Body, u Commander Shangpliang ynnin ka sngi da yoh u wow pynskem ya kiwa kitkaam yong ki 8 tylli ki Unit wei kamjooh leh ya kiwa kitkaam yong ka Mawsynram Block.

Hawa klam haka yalang, u Commander Shangpliang da ong u wa ka thong ka seiñ toh ym du wow yakhun wow pynman kaam yei dawa ka seiñ kiwa da phah cha ka sorkar, hadooh wow sikai leh ya ki warep ha ka liang wa kammon wow rep ya ki mar rep kiwa thymme katkam kani ka juk, wow chna ya kiwi de ki laad kamai wei wow pynlai yaw ya ki mar wa da pynmih da ki warep.

U Shangpliang da ong u wa ka seiñ ka sñiawkmen ko wa ka sorkar da pynkrehkaam ko ya ki phang dawa yong ka seiñ wa kynthup wow wanrah yaka Farmers Commission wa kiwi kiwi wei da dawa naka sorkar wow pynbna ya u snem 2020 kam u snem ki warep deilang waka mang piosa kawa kyrpang ya ki warep wa kiwi kiwi de ki dawa kiwa toh neibynta i myntoi yong ki warep.

Ha kani ka sngi da emlang leh u Alfonbirth Kharsyntiew u General Aecretary yong ka seiñbei, u President yong ka HFU Nongspung Circle u Lodestar Syiemlieh. Neiliang yong u Alfond da pyntip u wa ka seiñ HFU katni man ko ka seiñ kawa khlan, kawa da yoh leh wow chna ya ki Unit ha Garo Hill wei da pyntip u wa hadooh katni ki dkhot ka seiñ da poi ki kamwa 47 hajar ngut wei ka seiñ ym slem de daw poi ko cha ki chi lak ngut ki dkhot.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwa kitkaam yong ki Unit ka HFU kiwa da pynskem ha kani ka sngi kynthup ki yaka Unit naka chnong Umtyllun wei da jied President ya u Laitphar Kharbhih wa General Secretary ya u Leversing Kharbhih.

Pyndengsohsaw Unit: President-Borbingstar Kharwar, General Secy. -Risingstar Sohmatk.

Phlangwanbroi Unit: President- Slipshon Dkhar, General Secy.- Ka Phinriskhem Pdahkasiej.

Kenbah Malai Unit: President- Khelor Wahlang, General Secy – Morningstar Iawrod.

Mawlangbna Unit: President- Assingroy Disiar, General Secy – Long Kynter.

Jyllep Unit: President-Tlanding K Dewsaw, General Secy – Splitly Larting.

Mawkaphan Unit: President- Giborsing Kynter, General Secy – Pyrkharlang Dewsaw.

Mawtepiew Unit: President-Bording  Dkhar, General Secy -Starwin Ramsiej.

Nalor ki President wa Secretary da jied leh ya ki Executive Member yong waroh kitai ki Unit. Ha kani ka jooh ka sngi da jied leh ya kiwa kitkaam yong ka Mawsynram Block wa kynthup ya u O. Pdahkasiej kam u President, Vice President-u Arsing Roy Dishiar, General Secretary- Tross Pde, Asst. Secy- Morningstar Iawrod wa Treasurer ya u Meletstar Thongni. Ha kane ka sngi da emlang leh u Sirdar yong ka Hima Mawdon.