Shillong: Ka dhab yalehke ka Meghalaya Senior Men’s Football Team da mih ki ynne ka sngi yow lai cha Agartala yow chimbynta haka Santosh Trophy North East Qualifiers.
Ya kani ka dhab da yahkhmat da u Coach u Khlain Pyrkhat Syiemlieh, wa kiwa yalehke kiwa dang khynroo wa kiwa da biang i maad yalehke wa jied da ka Senior Cell Committee kawa da yaleh wow e laad ya ki khynroo wa em ka sap wow yoh ki u chimbynta ha ki lympung wa heh.
Yaka Meghalaya da em ko haka Group B wei da booh lang waka Railways, Nagaland wa Manipur. Ka Meghalaya daw yachem nyngkong ko waka Railways ha kani ka 23 tarik, haka 25 tarik u yachem ki waka Nagaland katwa haka 25 tarik won u yachem ko waka Manipur.
Neiliang ka Meghalaya Football Association da kitbok kitrwiang ko ya kiwa yalehke heiwa u Treasurer ka Association u Wanshan Kharkhrang da ong u wa hanlada kiwa chah jied da wan ki na kiwa boon ki Club tangwa hap ki wow bood cha rood ya iwon iwon i sñiaw yaphær wei wow yaleh kam kawi ka dhab neibynta ka jylla.
“Emkaam phi wow chimkabu ya kani ka laad wa yoh phi wei ym toh wow sepai ko.” Da ong u dkhot ka Senior Cell u L Darlong haka yalang pyn-eh bok eh nasib wa pynman ha Third Ground, Polo, Shillong, ynne i step.
Kiwa yalehke man ki kamni ha wah:
Goalkeepers: Padam Chettri, Justly Sungoh
Defenders: Mebankhraw K Wahlang, Kenstar Kharshong, Batskhem Tariang, Atlanson Kharmaw
Midfielders: Ronaldkydon Lyngdoh Nonglait, Samuel J Lyngdoh Kynshi, Nikelson Bina, Phrangki Buam, Belton Lartang, Raikutshisha Buam, Allen C Lyngdoh Nongbri, Aenam Jyrwa, Dawanchwa C Challam
Forwards: Figo Syndai, Shano Tariang, Donlad Diengdoh, Sheen S Sohktung, Roikhihbha Nongtdu
Officials: Khlain Pyrkhat Syiemlieh (Coach), M Warbah (Manager), Jerry A Sutnga (Assistant), Lambok Lyngdoh (Physio)
Discussion about this post