Jowai: Haka 2nd Division ka WJDSA kawa tip leh kam ka 3rd Debo Shullai Memorial Trophy, ynne da pteiñ yaka yalehke Quarter Final da ka yalehke hapyrdi ka Nangbah Sports Association waka Lion.
Ha kani ka yalehke, ka Nangbah Sports Association da jop ko yaka Lion da 7-6 lyngba ka yachut Tie-Breaker hadien wa ka yalehke da kut ko da 1-1.
Yaka Nangbah Sports Association da thap kool da u Mewan Dhar haka minit wa 68 katwa yaka Lion da thap kool da u Tremiki Lamare haka minit wa 4.
Haka 1st Division won kawa tip leh kam ka 9th Chatister Kharkongor Memorial Trophy, ka Nangbah Iawmusiang da jop ko yaka Wahiajer da 4-0.
Ya ki kool da thap da u Bonaventure Surong haka minit wa 19 wa 64, Passki Nongrum haka minit wa 40 wa u Rihok Chyrmang haka minit wa 42.
Discussion about this post