Shillong: U montri ka chnat i chait i khiah, u AL Hek ynne da wai u ya ka Pynthorbah Health and Wellness Centre ha Pynthorbah, Shillong kawa nyngkong dooh na ki Urban Public Health Centre (UPHC) wow pynku kyrdan ha East Khasi Hills District cha ka Health and Wellness Centre.
U Hek da ong u wa ka Health and Wellness Centre toh kawa man chibynta yong ka Ayushman Bharat namo ka Healthy India ka wow pait yei chait i khiah ki bru wei wow e chakri ha i rukom wow yoh myntoi pura ki bru.
Da ong u wa ka chnat u yaleh ko katwa ye khnang wa waroh ki bru ka jylla u yoh myntoi ki na ki Health Scheme ka sorkar pyrdi wa sorkar jylla.
Chooh chooh da ong u wa i pynkrehkaam ya ka Meghalaya Health Insurance Scheme pynyoo i wa hadooh katwon ka sorkar chimkhia ko yei chait i khiah ki bru ka jylla. Da pynrap u wa i pynkrehkaam ya ka Pradhan Mantri Jan Arogya Yojana (PM-JAY) wa ka MHIS ha Meghalaya kam ka Health Insurance Scheme da ye bha wow yarap ya ki paidbah, da kyntu u leh ya ki Doctor, Nurse, ASHA wa Anganwadi wow kreh chitom hei kreh yong ki.
Ha kani ka sngi da emlang leh u Joint Director of Health Services (MCH & FW) cum Nodal Officer, NPCDCS & HWC, Meghalaya, M Marbaniang uwa da ong wa ka Comprehensive Primary Health Care Programme da pynkrehkaam ya ka ha ki 5 District wa kynthup ya ka East Khasi Hills, West Khasi Hills, West Garo Hills, West Jaiñtia Hills wa Ri Bhoi District hajrong ka thong wow pynku kyrdan ya ki PHC wa Sub Center cha ki Health & Wellness Center.
I pynku kyrdan ya ki PHC & Sub Center cha ki Health & Wellness Center ha jylla toh da booh thong wow pyndep ha u 2022.
Discussion about this post