Pynman ka DLSA, WJH yaka pynsñiawthooh paidbah chaphang ka aiñ POCSO ha Shangpung

Jowai: Deiwa pyrkhat yei ku ki kaam khlem akor (Sexual Offences) pyrchah ya ki khynnah hapoh ka West Jaiñtia Hills District, ka yung krehkaam ka District Legal Service Authority (DSLA), West Jaiñtia Hills da dep pynman ko kiwa boon ki yalang pynsñiawthooh paidbah heiyatoh wa ki aiñ wa krehkaam ha kam kini ki jait kaam. Ynne deiwa ya krehlang waka Meghalaya State Legal Service Authority, Shillong da pynman yaka pynñiawthooh paidbah hajrong ka aiñ Protection of Children from Sexual Offences (POCSO) Act, 2012 ha Shangpung Pohshnong Community Hall. Heiwa da pdiang burom ya kiwa wan chimbynta da u waheh chnong ka Shangpung Pohshnong u Marki Rabon.

Ha i klam tbian chaphang kani ka aiñ wa i rukom pynchitom ya kiwa leh pyrchah, ka D. Sohtun Secretary DLSA, da ong ko wa ka aiñ POSCO Act i thmu yong ka toh wow yada ya ki khynnah na ki kaam khlem akor. Wei ini i pynsñiawthooh paidbah toh yow sñiawthooh waroh khamtam ki khynnah wa kam ki kini ki jait kaam jia ki ha kiwa boon ki thaw wei neiliang ka DLSA da e yarap mynkna ko neiliang wow yasaaid neibynta yong ki hakhmat ka aiñ.

Ka T.S. Sutnga Chairperson ka Child Welfare Committee (CWC), West Jaiñtia Hills District, Jowai da klam ko chaphang ki kaam pyrchah ya ki khynnah deiwa klam ya ki daw wa jia ki kamjooh kammon ktah ko ya ki khynnah. Da kyntu ko ya ki manbei manpa wa kiwa yahkhmat ka chnong wow man ki kiwa husiar yow lait u jia kam kini ki kaam.

Ka B. Shadap, Women Police Jowai PS West Jaiñtia Hills District da khana ko wa kammon wow ujor cha ki pulit lada jia kam kini ki kaam.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka R.D. Kynjing DCPO, District Child Protection Unit, West Jaiñtia Hills District Jowai da klam ko ya i yarap wa e ka sorkar wow ya syllok ya kiwa chah ktah.

Da yoh leh yei pynyoo wa kammon wow e yarap (Basic Life Support) da Dr. B. Nongkhlaw, In-charge ka Shangpung PHC kammon wow leh CPR yow pynlait im ya ki bru wa chitom u klong snam.

Ya ki ktein e khublei da yoh naka V. Wann Para Legal Volunteer wei yow pynsñiawthooh paidbah chooh chooh ya kani ka kaam da pynyo baiscope yaka phlim wa e pyrtuid “Nangno ka jingiarap jong nga kan wan”.