Shillong: Ka State Executive Committee yong ka Bharatiya Janata Party (BJP) Meghalaya, da rai ko wow pynyieñ kyrtong wow yakhun ia ka Election chiteiñ samoi ha Shella Constituency ka wow man ha ka 21 uni u bnai wow wan.
Hawa klam ynne ka sngi, u heh ka BJP na ka jylla uwa man leh u montri ka sorkar, u Alexander Laloo Hek da ong u wa ka party da pyntip ko cha ki heh ha Delhi ynne i janmiet wow e yei mynjur hajrong ini.
Da ong u wa ka Shella Constituency toh ka Constituency wa em i kyrmen ya ka BJP wow jop ko, wei kam ka Party kawa heh wei kawa synchaar ya ka ri India toh u booh ko ya ki kyrtong hawa em ki Election.
Heiyatoh wei kyrchaan ya u kyrtong ka UDP kamwa da leh da ka National People’s Party (NPP), da ong u wa ka Party ym em iwon iwon wow ong hajrong kani ka rai yong ka NPP, wei da pynrap u wa ka BJP em ko yongka hi i tipmit wei toh bait wow yakhun ha ki Election.
Katkam wa da yoh yutip ka BJP ye ko wow sai da u Joshua Warjri ha kani ka Election lada ki heh na Delhi ebor ki, neibhah hadooh katni du u Warjri uwa da paan ticket na ka BJP wow yakhun ya kani ka Election.
Discussion about this post